Појадокот е најважниот оброк. Појадокот секогаш треба да изобилува со минерали, витамини, јаглени хидрати и протеини кои се важни за одржување на нивото на енергија, активност и концентрација се до пладневните часови.

За време на одморите, учениците најчесто купуваат храна која е со висока цена и енергетска вредност, но со мала нутриционистичка вредност. За тие здраво да се исхрануваат, најдобра алтернатива е да се земаат оброци од  дома: лесен сендвич со посно месо и салата, овошје, млеко, овошен сок и, пред се, вода.

Треба да се ограничи храната која содржи многу шеќери, масти и сол.Тие состојки се потенцијални креатори на срцевите заболувања кај учениците. Физичките вежби го поттикнуваат организмот да согорува се што не му е потребно, а се постигнува високо ниво на активност и концентрација.

За време на престојот во училиште, учениците мора да внесуваат големо количество на течности. Водата е составен дел на телото и претставува 60% од вкупната телесна тежина. Секој систем и процес во телото зависи од водата. Таа е вклучена во отстранувањето на отровите од виталните органи во телото. Водата секојдневно се губи со дишење, потење, уринирање. Затоа мораме да ја надоместиме со конзумирање течности и со храна која содржи вода (млечни производи, овошје и зеленчук, овошни напитоци и нормално-вода)

      - Да се јаде разновидна храна

      - Ужинка е исто така важен оброк;

      - Не се прејадувајте;

      - Помагајте при приготвувањето на храната;

      - Пијте течности.